Sensata – premıým, bıznes jáne jaıly sanatta Astanada turǵyn úı salatyn iri kompanıanyń biri.
- Meniń bilýimshe, bul ǵımarat (Gastro-ortalyq) Sensata kompanıasy sıaqty seriktesterimen birge Qýandyqqa tıesili. Oda Baqytjan (Baıjanov, Bıshimbaevtyń týysy ári Gastro-ortalyqtyń dırektory) quryltaıshysy. Baqytjan men páter satyp alǵan kezde shaǵyn jeńildikpen rásimdegen», - dedi sotta Aıtbek Amangeldi.
Sondaı-aq prokýror Bıshimbaev pen Baıjanov arasyndaǵy qarym-qatynas qandaı boldy dep Amangeldiden suraǵan.
«Men bul týraly eshteńe aıta almaımyn, páter týraly bergen barlyq tapsyrmany Baıjanov oryndady. Al Sensata turǵysynan istiń bári Baıjanov arqyly ótti», - dedi Aıtbek Amangeldi.
Eske salsaq, 2023 jyldyń 9 qarashasynda keshke áleýmettik jelilerde burynǵy mınıstr Qýandyq Bıshimbaevtyń jubaıy Saltanat Núkenovany óltirgeni týraly habar taraǵan bolatyn. 2024 jyldyń 8 qańtarynda eks-mınıstr Bıshimbaevty qatygezdikpen óltirdi degen aıyppen qylmystyq is aıaqtaldy.
Qazirgi tańda bul is Astanadaǵy sotta qaralyp jatyr.
Pikir qaldyrý