Astanada eks-prezıdent Nursultan Nazarbaevtyń jıeni, kásipker Qaırat Satybaldyǵa qatysty negizgi sot otyrysy bastaldy. Ol sot otyrysynda kinásin tolyq moıyndady.

Sot otyrysy ashyq formatta ótti. 

Sondaı-aq Satybaldy taǵylǵan aıyptardy tolyq moıyndap, aıyptaý aktisindegi somalarmen kelisip, dálelderge qarsy shyqpady. 

Sýdıa otyrysty belgisiz merzimge deıin keıinge qaldyrý týraly qaýly shyǵardy. Sebebi, Satybaldy men prokýror arasynda is júrgizý kelisimin jasasý máselesi qaraý satysynda tur. 

Buǵan deıin Satybaldy memleketke 732,8 mıllıard teńgeni qaıtarǵan bolatyn. Astana qalasynyń qylmystyq ister jónindegi aýdanaralyq sotyna Qaırat Satybaldyǵa qatysty qylmystyq jolmen alynǵan aqshany zańdastyrý týraly is túsken-di. 

"Bul qarjyǵa Qaırat Satybaldy ártúrli múlik satyp alyp, ári shetelde de aqshany Qazaqstan men sheteldegi banktik shottarǵa ornalastyrdy" - delingen Sybaılas jemqorlyqqa qarsy is-qımyl agenttiginiń habarlamasynda. 

Agenttik Satybaldyǵa qatysty salyq tóleýden jaltarǵany úshin taǵy bir tergeýdi jalǵastyrýda. Ol áli qaralý ústinde.