Sonymen qatar, Taıvandaǵy zilzaladan keıin Japonıada zardap shekkenderge qatysty aqparat joq. 

RIA Novostı habarlaýynsha, Hýalán qalasyndaCHjýnshan jáne Chýnsın kósheleriniń qıylysynda ishinara qırap, qısaıyp qalǵan ǵımaratta segiz adam qalyp ketken. Oqıǵa ornyna qutqarýshylar men órt sóndirýshiler jetti. Biraq qutqarý jumysy kezinde aftershoktar qaıtalanyp jatty. 

Aıta keteıik, Taıvanda búgin Beıjiń ýaqytymen tańǵy 07:58-de 7,7 baldyq zilzala boldy. Sodan keıin 6,6 baldyq jer silkinisi qaıtalandy. Meteorologtar Taıvannan shyǵysqa qaraı 5,4 baldyq tórt zilzala bolǵanyn habarlady. 

Zilzaladan Hýalán qalasynda ǵımarattar qırady. Sonymen qatar Taıbeı aýdandarynda elektr jelisi úzildi. Taıbeı metrosyn tolyq toqtatýǵa týra keldi. Araldyń shyǵysynda kóshkin júrdi. 

Oǵan qosa Japonıanyń ońtústik-batysyndaǵy Okınava prefektýrasynyń Mıakodzıma jáne Iaeıama aýdandarynda jáne Okınava negizgi aralynda sýnamı bolýy múmkin ekeni týraly eskertildi. Sodan keıin bıiktigi 3 metrlik sýnamı jaonıalyq Ónagýnı aralyna jetti degen aqparat tarady. Keıinirek ol Japonıanyń Isıgakı aralynyń jaǵalaýyna jetken. 

Buǵan deıin japonıalyq ǵalym Almatydaǵy Kóktóbe telemunarasynyń jer silkinisine daıyn emes  ekenin aıtqan edi. 

"Qazaqstanda doktorlyq dısertasıa qorǵaǵan japon ǵalymy, Osaka ýnıversıtetiniń profesory Almatyda jer silkinisi bolatynyn jáne qaladaǵy kóptegen ǵımarattar seısmıkalyq dúmpýlerdiń áserine daıyn emestigin aıtty. Ásirese, Almatydaǵy eski telemunaranynyń jaǵdaıyna qatty alańdaıtynyn jetkizdi. Japondar Almaty men Qazaqstannyń ońtústigine bizden kóbirek alańdaıdy", – deıdi Qazaqstan geotehnıkalyq qaýymdastyǵynyń prezıdenti Asqar Júsipbekov.