UQSHU Armenıadaǵy óziniń jaýapkershilik alǵan aımaǵy bekitilgen memlekettik shekaralar aıasynan aspaıtynyn málimdedi.

«Jaýapkershilik aımaǵy týraly tujyrym óte kúrdeli. Bul jerde respýblıkadaǵy jaǵdaıǵa nazar aýdarý qajet. Óıtkeni 2010 jyly qol qoıylǵan ózara is-qımyl qaǵıdattary týraly kelisimge sáıkes UQSHU, jaýapkershilik aımaǵy múshe memleketterdiń egemendi aýmaǵy bolyp tabylady. Atalǵan qujatqa 2010 jyly Máskeýde qol qoıylǵan. Bul Ujymdyq qaýipsizdik júıesiniń kúshteri men quraldarynyń mártebesi týraly kelisim degen qujat. UQSHU «UQSHU-nyń jaýapkershilik aımaǵy Armenıa men onyń kórshileri arasyndaǵy ekijaqty negizde retteletin memlekettik shekara ótetin jerde aıaqtalady”, delingen uıymnyń málimdemesinde.

Osyǵan deıin Pashınán eger uıym “UQSHU Armenıanyń qaı aýmaqtary úshin jaýapty» degen suraqqa jaýap bermese, Erevan UQSHU-dan shyǵatynyn aıtty.

Pashınánnyń aıtýynsha, eger UQSHU bul suraqtarǵa jaýap berse jáne bul Erevannyń ıdeıasyna sáıkes kelse, Armenıa men uıym arasyndaǵy problemalar sheshiledi.

«Áıtpese, Armenıa Respýblıkasy UQSHU-dan shyǵady. Biraq munyń qashan bolatynyn aıta almaımyn», – dep eskertti ol.