Ǵadilbek Minájuly Shalahmetov – keńestik, qazaqstandyq pýblısıs, 300-den astam ǵylymı jáne pýblısısıkalyq maqalalardyń avtory, senarıst. Qazaqstan Ulttyq jaratylystaný ǵylymdary akademıasynyń akademıgi.

Eńbek jolyn Qazakstan ǵylym akademıasynyń Metalýrgıa jáne baıytý ınstıtýtynda jumysshy, aparatshy bolyp bastady. Instıtýtty támamdaǵannan keıin ÓKMK-nda balqytýshy bolyp istedi.

1967-1974 jyldary Qazaq teledıdary baǵdarlamalarynyń redaktory, bas redaktory boldy.

1975 jyly KSRO Memlekettik kınosyna qarasty senarı jazýshylar men rejıserlerge arnalǵan Joǵary kýrsyn bitirdi.

1976-1982 jyldary QKSR Memlekettik tele-radıo bóliminiń meńgerýshisi, Qazaq teledıdarynyń nasıhattaýshy bas redaktory, komentatory, bólim meńgerýshisi boldy.

1982-1983 jyldary QKSR Memlekettik kınosynyń bas redaktory, 1983-1986 jyldary QKSR Memlekettik tele-radıo komıteti tóraǵasynyń orynbasary qyzmetin atqardy.

1986-1990 jyldary – QKSR Teledıdar jáne radıotaralym jónindegi memlekettik komıtetiniń tóraǵasy.

1991-1992 jyldary Qazaq KSR Baspasóz jáne buqaralyq aqparat quraldary mınıstriniń birinshi orynbasary – Qazaq memlekettik teleradıohabar taratý kompanıasynyń tóraǵasy boldy.

1992 jyly – QR Prezıdenti baspasóz qyzmetiniń jetekshisi.

Memleketaralyq «Mır» teleradıokompanıasynyń negizin qalaýshy. 1993 jyldyń qańtarynan 2002 jyldyń mamyryna deıin «Mır» memleketaralyq teleradıokompanıasynyń prezıdenti boldy.

1996 jyldan bastap Álem halyqtarynyń Búkilálemdik klýbynyń akademıgi.

2000 jyly – QR Premer-mınıstriniń shtattan tys keńesshisi.

2000-2004 jyldary – «Qazınform» aqparattyq agenttiginiń Prezıdenti.

2004-2007 jyldary – QR Parlament Májilisiniń depýtaty.

2007-2009 jyldary «Samuryk» AQ Prezıdentiniń keńesshisi.

Qazaqstan Ulttyq Jaratylystaný ǵylymdary akademıasynyń (QazUJǴA) akademıgi

2009 jyldan bastap L.N.Gýmılev atyndaǵy Eýrazıa ulttyq ýnıversıtetindegi jýrnalısıka jáne saıasattaný fakúltetiniń tele-radıo jáne qoǵammen baılanys kafedrasynyń meńgerýshisi boldy.