Qaırat Satybaldy memleketke taǵy 50 mlrd teńge qaıtarady

/image/2024/04/12/crop-0_1_674x1198_6617a904a4bcd511406488.jpg

Eks-prezıdent Nursultan Nazarbaevtyń nemere inisi Qaırat Satybaldyuly isi boıynsha memleketke taǵy 50 mlrd teńge qaıtarý josparlanyp otyr, dep habarlady Sybaılas jemqorlyqqa qarsy is-qımyl agenttigi.

"11 sáýirde Q.Satybaldyulyna qatysty qylmystyq isti qaraý sheńberinde sot (QR QK 218-baby 3-bóliginiń 3-tarmaǵy) prokýrordyń ótinishi boıynsha zańsyz satyp alynǵan aktıvterdi qaıtarý jónindegi rásimderdi oryndaý qajettiligine baılanysty prosestik kelisim jasasý úshin qosymsha merzim berý týraly sheshim qabyldady", - delingen habarlamada.

Atap aıtqanda, sottalýshynyń jalpy somasy 50 mlrd teńgeden asatyn qosymsha múliktik aktıvterin memleket paıdasyna qaıtarý týraly másele qaralyp jatyr.

Buǵan deıin habarlanǵandaı, tergeý barysynda Q.Satybaldyuly óz kinásin tolyq moıyndap, qylmystyq jolmen alynǵan múlikti ashýǵa yqpal etken.

Sotqa deıingi tergep-tekserý kezeńinde Sybaılas jemqorlyqqa qarsy qyzmet sottalýshynyń jáne onymen baılanysty tulǵalardyń jalpy somasy 732 mlrd teńgeden astam múliktik aktıvteri men aqshalaı qarajatyn memleket paıdasyna (ákimshilik ǵımarattar, eksklúzıvti zergerlik buıymdar, lúks úıler, páterler men avtokólikter, kompanıalardaǵy aksıalar men qatysý úlesteri, temirjol joldar men aqshalaı qarajat, sheteldik múlikterimen qosa) qaıtardy.

Aıta keteri, atalǵan tulǵaǵa qatysty salyq tóleýden jáne búdjetke tólenetin basqa da mindetti tólemderden jaltarý faktisi boıynsha tergeý jalǵasyp jatyr.

Qaırat Satybaldy memleketke taǵy 50 mlrd teńge qaıtarady

Qatysty tegter :

Pikir qaldyrý

Qatysty Maqalalar