Almaty qalasy sanıtarlyq-epıdemıologıalyq baqylaý departamentiniń ınfeksıalyq jáne parazıttik aýrýlardy epıdemıologıalyq baqylaý bóliminiń basshysy Almash Ahmetovanyń sózinshe, 1 naýryzdan bastap kene ınfeksıalaryna jáne halyqtyń kene shaǵýyna baılanysty medısınalyq uıymdarǵa ótinishterine apta saıyn monıtorıń júrgiziledi.

«Epıdemıalyq maýsymnyń basynan beri medısınalyq uıymdarǵa kene shaqqan 135 adam júgindi, onyń 84 bala. Kórsetkish 2023 jyldyń sáıkes kezeńimen salystyrǵanda 7,3%-ǵa joǵary. Barlyǵyna shuǵyl medısınalyq kómek kórsetildi. Kórsetkishter boıynsha kenege qarsy ımmýnoglobýlın engizildi», — dedi Almash Ahmetova.

Spıkerdiń sózinshe, Almaty qalasynyń mańy kene ınfeksıalarynyń tasymaldaýshysy ıksod keneleri taralǵan endemıalyq aımaqqa jatady.

«Osy jyldyń basynan beri qalada kene ınfeksıasy tirkelgen joq. Almatyda kene shaǵýynan zardap shekken adamdarǵa shuǵyl kómek kórsetý medısınalyq uıymdardyń 5 travmatologıalyq pýnktinde júzege asyrylady. Seroprofılaktıka pýnkteri kenege qarsy ımmýnoglobýlınmen qamtamasyz etilgen, qazir 19 lıtr 766 ml bar», -dedi maman.