2 qazan Túpqaraǵaı aýdanyndaǵy Saıyn Shapaǵatov aýylynda uzyndyǵy 19 702 metr Autaý-Aqshuqyr-Saıyn magıstraldi sý qubyry paıdalanýǵa berildi. Quny 761 mln. teńge bolatyn magıstral jobasynyń qurylysy 2014 jyldyń maýsym aıynda bastalǵan bolatyn. Eldi mekende “Aq bulaq” memlekettik baǵdarlamasynyń aıasynda sý qubyrynan basqa aýyz sýǵa arnalǵan rezervýar salyndy jáne aýyl ishinde sý qubyry tartyldy. Bul maqsattarǵa 1 mlrd. 451 mln. teńge qarajat jumsaldy.

– Búgin biz Saıyn Shapaǵatov aýylynyń barlyq turǵyndary úshin mańyzdy oqıǵanyń kýási bolyp otyrmyz. Magıstraldi sý qubyry men aýyz sýdy saqtaýǵa arnalǵan rezervýar paıdalanýǵa berilip otyr. Uzyndyǵy 74 296 metr bolatyn aýyl ishilik sý qubyry salyndy. Magıstraldi sý qubyry Saıyn Shapaǵatov aýyly turǵyndaryn sapaly aýyz sýmen qamtamasyz ete otyryp, ómir súrýdi qamtıtyn ınfraqulylymmen de jalǵastyrdy, – dep atap kórsetti Mańǵystaý oblysynyń ákimi Alık Aıdarbaev.Dál osy kúni Qyzylózen aýyly men Fort-SHevchenko qalasynda 50 jáne 140 oryndyq balabaqshalar baldyrǵandarǵa óz esigin ashty.

Qyzylózen aýylyndaǵy “Tolaǵaı” mektepke deıingi mekemesiniń qurylysyna jergilikti búdjetten 137 mln. 769 myń teńge baǵyttaldy. Onyń qurylysy 2014 jyldyń tamyz aıynda bastalǵan bolatyn. Saltanatty lentany aýyl aqsaqaldary keńesiniń tóraǵasy, ardager ustaz Nurlybaı Tólemaǵambetov pen Mańǵystaý oblysynyi ákimi Alık Aıdarbaev kesti.

Fort-SHevchenko qalasynda paıdalanýǵa berilgen 140 oryndyq “Alpamys” balabaqshasy da “Balapan” memlekettik baǵdarlamasy aıasynda salyndy. Bul maqsattarǵa jergilikti búdjetten 259 mln. 553 myń teńge qarajat bólindi.

Túpqaraǵaı aýdanyndaǵy mektep jasyna deıingi 1452 balaǵa bilim berý jáne olardyń tárbıesimen 13 balabaqsha aınalysady. Olardyń ishinde 10-y memlekettik, al 3-i jeke menshik balabaqshalar. Búgingi tańda aýdandaǵy 3 pen 6 jas aralyǵyndaǵy balalardyń balabaqshamen qamtylýy  86,19% quraıdy.

Sonymen qatar, Mańǵystaý oblysynyń ákimi Alık Aıdarbaev Baýtıno aýylynda «Kaspıan Ofshor Konstrakshn» kompanıasynyń (“SOS”) keńse ǵımaratyn ashý saltanatyna qatysty. Kompanıanyń jańa ǵımaratynda ákimshilik keńse, 32 adamdyq jataqhana, asqana, shaǵyn sport zaly ornalastyrylǵan.

Anyqtama úshin: Kompanıa 10 jyldan astam ýaqyt Kaspıı teńizindegi teńiz kemelerin basqarý, paıdalaný jáne olarǵa tehnıkalyq qyzmet kórsetý salasynda jumys isteıdi. Qazirgi tańda SOS-tyń basqarýyndaǵy flottyń jalpy sany 41 kemeni quraıdy, onyń 21 kemesi Qazaqstan Respýblıkasyndaǵy Qashaǵan ken ornynyń aǵymdaǵy operatory NCOC N.V. kompanıasyna tıesili. Kompanıaǵa tıesili flot 18 kemeni quraıdy, oǵan qosa sýǵa shógý múmkindigi óte tómen arnaıy jasalǵan 5 LARN kateri bar. SOS flotyna ICE 3 muzdy sanattaǵy bes kemesi, 1A SUPER muzdy sanattaǵy saıaz jerlerde júze alatyn bes keme, eki ǵylymı-zertteý kemesi,úsh tez júretin jolaýshylar kemesi, eki júzip júretin qonaqúı, zákirlerdi buraý boıynsha kóp maqsatty býksır kiredi.

Derekkóz: Qazaq úni