Tımýr Qulybaev Londondaǵy rezıdensıasyn 35 mıllıon fýntqa (shamamen 20 mıllıard teńgege) satty, dep jazady  Qamshy.kz aqparat agenttigi stan.kz-ke silteme jasap.

Býkıngem saraıynyń janyndaǵy Joǵarǵy Grosvenor kóshesindegi múlikti North Wind Capital ınvestısıalyq kompanıasy satyp alǵan. Sondaı-aq Qulybaev ózine tıesili kórshi ǵımaratty da satýǵa nıetti. Qulybaev buǵan deıin patshaıym Elızaveta II-niń uly hanzada Endrúdiń burynǵy múlkine ıe bolǵan. Sunninghill Park saraıy Londonnan 40 shaqyrym jerde ornalasqan. Biraz ýaqyttan keıin qazaqstandyq kásipker rezıdensıany buzyp, jańa ǵımarat saldy. Nazarbaevtyń týystarynyń Germanıada 100 mıllıon eýrolyq saraılary da bar, olar qaraýsyz qalǵan. Sonymen qatar Qulybaev jerorta teńizi jaǵalaýyndaǵy ıspanıalyq Can Juncadella menshigi men Shveısarıadaǵy Fleur du Lac qonaq úıine ıe.