Qazaqstan Respýblıkasy Kólik mınıstrligi reıster geografıasyn keńeıtý jáne qoldanystaǵy baǵyt boıynsha reıster sanyn arttyrý boıynsha turaqty jumys júrgizip keledi.

«Osylaısha, «Uzbekistan Airways» áýe kompanıasy aǵymdaǵy jyldyń 1 maýsymynan bastap jańa Almaty-Núkis áýe baǵyty boıynsha turaqty reısterdi oryndaı bastaıdy. Reıster aptasyna eki ret (sársenbi jáne senbi kúnderi) 174 oryndyq Eırbas-A320 ushaǵynda oryndalady», - delingen habarlamada.

Jańa áýe jolynyń ashylýy eki el arasyndaǵy saýda-ekonomıkalyq, iskerlik, týrızm salasyndaǵy yntymaqtastyqty odan ári damytýǵa yqpal etedi.

Osylaısha, Qazaqstan Respýblıkasynan 28 elge 121 baǵyt boıynsha halyqaralyq reısterdiń jalpy sany aptasyna 567-ge jetti.