Bótenniń múlkin urlaýǵa qarsy kúrestiń baǵyty – moped, velosıped, samokat urlyǵynyń aldyn alý. Taldaý nátıjesi kórsetkendeı, kóp jaǵdaıda urlyqtyń bul túri keıbir azamattardyń óz múlkine uqypsyz qaraýy, mopedterin, velosıpedterin jáne samokattaryn qaraýsyz qaldyrýy nátıjesinde jasalady. Olar múligin kireberisterde, turǵyn úılerdiń aýlalarynda, dúkenderdiń aldynda qaldyrady. 

– Ótken mereke kúnderi biz eki toptyń quramynda áreket etken alty jas jigittiń moped urlaý áreketterin áshkereledik. Olar túngi ýaqytta bóten adamdardyń mopedterin urlaǵan. Qylmystyq jolmen alynǵanyn aldyn ala bile tura, urlanǵan taýardy alyp otyrǵan satyp alýshy da ustaldy. Qylmysqa qatysy bar árbir adamnyń áreketine tergeýmen quqyqtyq baǵa beriletin bolady, – dedi Áýezov aýdandyq polısıa basqarmasynyń bastyǵy Ulan Ábilqaıyr. 

Sonymen qatar Almaty polısıasy eki dóńgelekti kólikterdi urlyqtan mynadaı jolmen qorǵaýdy usynady: 

– kireberiste qaraýsyz qaldyrmańyz; 

– velosıpedterdi, mopedterdi, samokattardy, urlyqqa qarsy quraldardy paıdalana otyryp, beınekameralarmen jabdyqtalǵan oryndarda turaqqa qoıyńyz; 

– urlanǵan jaǵdaıda dereý "102" púltine habarlańyz. 

Sondaı-aq urlanǵan múlik týraly aqparatty – qujattaryn, markasyn, túsin, fotosýretterin, serıalyq nemese basqa nómirlik belgilerin daıyndaý qajet.