2023 jyldyń sáýir aıynyń qorytyndysy boıynsha bir jylda aýyz sý 25,8 %, al mıneraldy sý 31,4% qymbattaǵan. Qazaqstan Respýblıkasy óńirleriniń ishinde mıneraldy sý baǵasynyń eń kóp jyldyq ósýi Jetisý oblysynda (66,4%-ǵa), odan keıin Qyzylorda (49,5%-ǵa) jáne Batys Qazaqstan (48,1%-ǵa) oblystarynda baıqaldy.  

Baǵanyń eń az ósýi Ulytaý oblysynda (8,3%-ǵa), Shymkentte (11,4%-ǵa) jáne Túrkistan oblysynda (18,5%-ǵa) baıqaldy.

Bir jylda aýyz sý 25,8 paıyzǵa qymbattady. Eń kóp baǵa ósimi Aqmola jáne Abaı oblystarynda tirkeldi: sáıkesinshe 43% jáne 42,6%.

Aýyz sý qunynyń aıtarlyqtaı ósýi Qostanaı oblysynda da baıqaldy: 31,5%-ǵa. Baǵanyń eń az ósýi Túrkistan (10,9%-ǵa), Batys Qazaqstan (15,1%) jáne Pavlodar (15,2%-ǵa) oblystarynda baıqaldy.

Alkogólsiz sýsyndar ishinde gazsyz sýsyndar da qymbattady: bir jylda 34,7%. Óńirlik turǵyda Batys Qazaqstan oblysynda gazsyz sýsyndar bir jylda birden 85,3%-ǵa ósti, odan keıin Atyraý jáne Shyǵys Qazaqstan oblystarynda (tıisinshe 51,9%-ǵa jáne 47,7%-ǵa) ósti.

Saladaǵy eń az baǵa ósimi Jambyl (14,5%-ǵa), Aqtóbe (23,6%-ǵa), sondaı-aq Pavlodar jáne Mańǵystaý (ár óńirde 24,6%-ǵa) oblystarynda tirkeldi.