Qurmetti ata-analar men túlekter! 25 mamyrda elimizdiń barlyq mektepterinde oqý jylynyń aıaqtalýyna arnalǵan synyp saǵattary ótkiziledi. Saltanatty is-sharalar barysynda polısıa organdary qoǵamdyq tártip pen jol qaýipsizdigin qamtamasyz etý boıynsha barlyq sharalardy qabyldaıtyn bolady. İshki ister mınıstriniń tapsyrmasy boıynsha árbir oqý ornyna jaýapty polısıa qyzmetkeri bekitildi. Patrúldik narádtar is-sharalar ótkiziletin oryndarǵa barynsha jaqyn bolady. Sońǵy jyldardaǵy tájirıbege súıensek, mektepterdegi “sońǵy qońyraýlar” aıaqtalǵannan keıin ata-analardyń ruqsatymen kóptegen túlekter is-sharalardy óz betinshe jalǵastyrady. Ókinishke qaraı, jasóspirimderdiń kólik tizgindeýi qaıǵyly oqıǵalarǵa ákelip jatady. Ótken jyly mundaı faktiler Jambyl, Atyraý oblystary men Almaty qalasynda oryn aldy, - dedi Shyńǵys Alekeshev.

Odan bólek, ata-analardyń baqylaýynsyz balalar tyıym salynǵan jerlerde sýǵa túsip jatady. Byltyr Aqmola, Mańǵystaý jáne Atyraý oblystaryndaǵy sý aıdyndarynyń shomylýǵa jabdyqtalmaǵan jerlerinde jasóspirimderdiń sýǵa ketý jaǵdaılary tirkeldi.

Osyny eskere otyryp, ata-analar men túlekterdi minez-qulyqtyń qajetti normalary men erejelerin saqtaýǵa shaqyramyz. Quqyq buzýshylyqtar anyqtalǵan jaǵdaıda dereý 102 arnasyna, al tótenshe jaǵdaılar týyndaǵan kezde 112 nómirine habarlasýdy suraımyz, – dedi departament bastyǵy – İİM resmı ókili Shyńǵys Alekeshev.