Olımpıada oıyndaryn ekinshi márte qatysqan Ilfat Abdýllın jarys jolyn qorytyndylady:

«Búgingi atysta eki ret qatelikke boı aldyrdym. Qarsylasym sol sátti paıdalanyp ketti. Óz-ózime rızamyn dep aıta almaımyn. Biraq Olımpıadada komanda úshin de, jeke saıysta da sońyna deıin aıanyp qalmadym. Sheshýshi sátterde ashshy jeńiliske ushyraýymyz maǵan áser etti.

Parıj Olımpıadasyndaǵy basty kedergi – turaqtylyq jetispedi. Psıhologıalyq jaǵynan qysym boldy. Aldaǵy ýaqytta óz-ózimmen jumys isteımin. Áli alda jarystar kóp.  Jeńiliske berile salýǵa bolmaıdy. Kóp eńbektenip, Qazaqstannyń sadaqshylary da álemde jaqsy ata alatyndyǵyn dáleldeýge tyrysamyn. Alda quramamyzdyń jastary Dáýletkeldi Jańbyrbaı men Aleksandr Eremenkoǵa tileýles bolamyn. Jalyndap turǵan jastardyń motıvasıasy jeńiske jetýge septigin tıgizedi degen senimdemin».

Aıta keteıik,26 jastaǵy  Ilyfat Abdýllın Parıj Olımpıadasynyń jekeleı synynda 2023 jylǵy álem chempıonatynyń kúmis júldegeri kanadalyq Erık Pıterspen bolǵan kezdesýde 4:6 esebimen jol berdi.