Elordada áýesqoı sportshylar arasynda dástúrli Astana run jarysy uıymdastyryldy, dep habarlaıdy qala ákimdiginiń resmı saıty.

2023 jyldan bastalǵan Astana run jarysynyń basty ereksheligi-ol 4 kezeńnen turady jáne jyldyń ár mezgilinde ótedi. Búgingi is – shara-bıylǵy ekinshi jazǵy jarys.

"Astana run basqa jarystardan birneshe aıyrmashylyqqa ıe. Birinshiden, ár júgirý qalanyń ártúrli saıabaqtarynda ótedi. Kóktemgi jarys Trıatlon saıabaǵynda uıymdastyryldy, búgin biz ortalyq saıabaqqa jınaldyq. Nelikten? Óıtkeni keıbir adamdar sportpen shuǵyldansa da, olar árqashan úıiniń janyndaǵy jattyǵý alańdarynan ári qaraı júre bermeıdi. Sondyqtan keıbireýler úshin bul jańa jol bolýy ábden múmkin. Ekinshiden, biz balalardyń júgirýine úlken mán berip, jarqyn emosıalar ákelýge tyrysamyz. Balalar arasynda jeńimpazdar 3-6 jas, 7-9 jas,10-17 jas sanattarynda anyqtalady. Úshinshiden, bizdiń tórt jarystyń árqaısysyna qatysqan qatysýshy medaldyń bir bóligin alady jáne tolyq medal qalyptastyrady. Bizdiń jarysymyz ótken jylmen salystyrǵanda tanymal bola bastaǵanyn baıqadyq. Qatysýshylar tek Astanadan ǵana emes, basqa qalalardan da kóp", - dedi jarysty uıymdastyrýshy Dıana Sabyrova.

Shynynda da, Astana run-bul keńinen tanymal bolǵan is-shara. Osydan týra 1 jyl buryn osy jarysqa qatysýshylardyń sany 300-400 adamdy qurady, al qazir suranystyń artýyna baılanysty uıymdastyrýshylar nómirlerdiń sanyn 700-ge deıin arttyrdy (eresekter - 400, balalar-300).

"Sońǵy kúnderi Astanada jańbyr jaýyp, kúrt sýyp ketti. Biraq bul júgirýge kedergi bolmaıdy. Biz otbasymyzben salaýatty ómir saltyn ustanamyz. Men 400 metrlik qashyqtyqqa qalaı kelgenimdi bilmeımin. Biraq júldeli oryn qajet emes, bastysy-qatysý. Osyndaı jarystar arqyly biz sporttyq sıpat qalyptastyramyz",-dedi 6 jasar Batyrhan Asqaruly.

Jarys barysynda eresekter arasynda 18-29, 30-39, 40-49, 50-59, 60 jastan asqan, 3-9 jastaǵy balalar 400 metrge, 10-17 jastaǵy jasóspirimder 1 kılometrge júgirdi.

Jarys qorytyndysy boıynsha erler arasynda 10 km qashyqtyqta 31: 42 ýaqytpen Álimjan Baltabek chempıon atandy, áıelder arasynda – Álıa Turanova ýaqytpen 37:05. Bul sportshylarǵa 80 myń teńge kóleminde marapattar tabystaldy.

"Astana turǵyny retinde Men kez kelgen jarysqa qatysamyn. Astana run da erekshelik emes. Kóktemgi týrnırde men de jeńimpazdar qatarynda boldym. Búgin 1-shi orynǵa ıe boldy. Aýa-raıy, jarys atmosferasy keremet. Men eshkimdi jaý dep sanamaımyn. Men óz kórsetkishterimdi jańartýǵa tyrysamyn", - dedi chempıon Álimjan Baltabek.

İs-shara aıasynda úzdik júgirýshilerdi anyqtap qana qoımaı, qatysýshylar arasynda estelik syılyqtar da oınaldy. Endi kúzgi jarysqa tirkelý resmı túrde ashyq.