Respublica partıasy atynan saılanǵan Májilistiń jańa depýtaty Ekaterına Smolákova ant berdi.

Al depýtat Rýslan Berdenovtiń ókilettigi merziminen buryn toqtatyldy. Bosaǵan mandat partıalyq tizimde turǵan Ekaterına Smolákovaǵa berildi.

Aıta keteıik, Rýslan Berdenov Shymkent ákiminiń orynbasary boldy.

Ekaterına Sergeevna Smolákova 1987 jyly 2 tamyzda dúnıege kelgen.

Onyń qazaq tili men ádebıeti mamandyǵy boıynsha joǵary bilimi, sondaı-aq, Qazaqstan-Brıtan tehnıkalyq ýnıversıtetinde alǵan DBA dárejesi bar.

Smolákovanyń bilim berý jáne basqarý salasynda aıtarlyqtaı jumys tájirıbesi bar. Ol Qazaqstan-Brıtan tehnıkalyq ýnıversıtetiniń (QBTÝ) prorektory boldy, sondaı-aq, mansap jáne túlektermen jumys ortalyǵyn basqardy.

2020 jyldan beri ol túrli qoǵamdyq qyzmetke belsendi qatysyp, KBTU Empowerment áıelder klýbyn basqarady jáne Almaty oblystyq №1 balalar úıiniń qamqorshylyq keńesiniń tóraıymy qyzmetin atqarady.