Qazaqstan munaı qubyryna jasalǵan shabýylyna qatysty kelissóz júrgizip jatyr. Bul týraly Syrtqy ister mınıstriniń orynbasary Álibek Qýantyrov málim etti.

— Ýkraınalyq tarappen baılanystamyz. Bul másele boıynsha kelissózder júrip jatyr. Jalpy KTK boıynsha resmı ustanymdy Energetıka mınıstrligi málimdedi, al ýkraınalyq taraptyń habary bar. Olardyń qatysýymen kelissózder júrgizilip jatyr, — dedi Álibek Qýantyrov Májilis qabyrǵasynda BAQ ókilderiniń saýalyna jaýap bere turyp.

Eske sala ketsek, bıyl 17 aqpanda Kaspıı qubyr konsorsıýmynyń munaı aıdaý stansasyna dronmen shabýyl jasaldy. 
Keıin Energetıka mınıstrligi KQK-ǵa jasalǵan kezekti dron shabýylyna qatysty túsinik berdi. 

Sondaı-aq Kaspıı qubyry konsorsıýmyna kelgen shyǵyn kásiporynnyń óz esebinen ótelgeni aıtyldy. 

24 naýryzda Kaspıı qubyry konsorsıýmyna dron shabýylynan keıin munaı aıdaý stansıasyn qalpyna keltirip jatqany týraly habarlaǵan edik.