25 naýryzda tolassyz jaýyn-shashynnyń saldarynan Qotyrabulaq ózeni arnasynan shyǵyp, Talǵar aýdany, Besaǵash aýylynda jeti aýla aýmaǵy men medısınalyq ortalyqty sý basty.
Aldyn ala málimetter boıynsha, sý basýdyń negizgi sebebi – ózen arnasynyń zańsyz tarylýy. Turǵyndar ózenniń tabıǵı arnasyna qorshaýlar men kúrkeler ornatqan, bul sýdyń ótkizý qabiletin tómendetken.
Saldaryn joıý jáne sý basýdyń aldyn alý maqsatynda Talǵar aýdanynyń Tótenshe jaǵdaılar bólimi jergilikti atqarýshy organdarmen birlesip, sý basqan úılerdiń joǵarǵy bóliginde aryq júıesin tereńdetý jumystaryn júrgizip jatyr.
Jumysqa Almaty oblysy TJD jáne jergilikti atqarýshy organdarynan 15 adam, 5 tehnıka jáne 2 motopompa jumyldyrylǵan.
"Qazirgi ýaqytta sý aǵymy toqtatyldy, zańbuzýshylardy anyqtaý jáne ózen arnasynyń tabıǵı ótkizý qabiletin qalpyna keltirý jumystary júrgizilip jatyr.
Azamattardy sý nysandaryn paıdalaný erejelerin saqtaýǵa jáne ózen arnalaryn ruqsatsyz ózgertpeýge shaqyramyz", - delingen habarlamada.
