Jaqynda jelide sottalǵan Kýandyq Bıshimbaevtyń ákesi Taraz qalasynda jekemenshik ýnıversıtet ashpaqshy degen aqparat tarady.
2025 jylǵy 3 sáýirde Ǵylym jáne joǵary bilim mınıstrliginiń qoǵammen baılanys departamentiniń dırektory – baspasóz qyzmetiniń jetekshisi Oljas Berkinbaev áleýmettik jelilerdegi bul aqparattarǵa baılanysty málimdeme jasady.
Onyń aıtýynsha, "Bilim týraly" zańnyń 5-3-babyna sáıkes, kadrlardy daıarlaý baǵyttary men oqytý túrleri boıynsha joǵary jáne joǵary oqý ornynan keıingi bilim berýge arnalǵan bilim berý qyzmetin júzege asyrý úshin zańdy tulǵalarǵa lısenzıa jáne (nemese) lısenzıaǵa qosymsha berý - ǵylym jáne joǵary bilim salasyndaǵy ýákiletti organnyń quzyrynda.
Osyǵan baılanysty, ol bylaı dep jalǵastyrdy: joǵary jáne joǵary oqý ornynan keıingi bilim berý salasyndaǵy kez kelgen bilim berý qyzmeti mindetti túrde lısenzıalanýy tıis.
Sondaı-aq jeke jáne zańdy tulǵalardyń "Ruqsattar jáne habarlamalar týraly" zańda belgilengen ruqsat berý nemese habarlaý tártibimen júzege asyrylatyn qyzmetti nemese áreketterdi (operasıalardy) tıisti ruqsat almaı nemese tıisti habarlama jibermeı júzege asyrýyna jol berilmeıdi.
Joǵaryda aıtylǵandarǵa súıene otyryp, mınıstrlik Bishimbayev University oqý ornynyń bilim berý qyzmetin júzege asyrý úshin lısenzıa alýy múmkindigin joqqa shyǵarady, sondaı-aq “e-lısenzıalaý” aqparattyq júıesinde eshqandaı ótinim tirkelmegenin habarlaıdy, - dedi Oljas Berkinbaev.
