Almaty qalasynda Qazaqstannyń Baspasóz klýbynda «Servıs-AST» kompanıasy jýrnalısermen kezdesý ótkizdi.

Kompanıa ókilderi Astananyń áýejaıyn basqaryp otyrǵan sheteldik ınvestor Qazaqstan Respýblıkasy Joǵarǵy Sotynyń sheshimin elemeıtinin aıtyp, ınvestordyń áreketterine qatysty faktileri men qujattaryn tanystyrdy.

Baspasóz klýbynda talqylanǵan máselege kelsek, kásipker Aınur Rahımova osydan 5 jyl buryn Astana áýejaıyndaǵy 8 sharshy metrlik jerdi jalǵa alyp, aqsha aıyrbastaý pýnktin ashqan. Alaıda sheteldik ınvestor Nursultan Nazarbaev halyqaralyq áýejaıyn ıemdengen soń, 10 shaqty qyzmetkeri bar aqsha aıyrbastaý pýnktine bir kún buryn ǵana oryndaryn bosatýlaryn talap etken. Qazirgi kezde «Servıs-AST» kompanıasynyń dırektory Aınur Rahımova Joǵary sotqa berip, jeńgenimen, Birikken Arab Ámirliginen kelgen sheteldik ınvestor Qazaqstannyń Joǵary sotynyń sheshimin oryndaýǵa asyqpaı otyrǵan kórinedi.

–         ­­­­­Jańa ınvestor Birikken Arab Ámirliginen kelgen.  Olar bastapqyda jalǵa alý aqysyna qansha bere alatynymyzdy surady. «Sizder qansha deısizder, sonsha tóleımiz» dedim tańǵalyp. Áńgimemiz tek osylaı bitken bolatyn. Artynsha olar maǵan bir aı buryn emes, bir-aq kúnde «Kelisimshart qujatyn ári qaraı soza almaımyz. Sizdiń núkteni tikeleı básekelesińizge beremiz. Myna jerdi bosat!» dedi aıaqastynan. Al meniń qaramaǵymda 10-nan asa qyzmetker bolatyn.  Barlyǵy da bir kúnde jumyssyz qaldy. Onyń ústine, sol ýaqytta álemde pandemıa bolyp jatqan. Osylaısha, kóp jyl boıǵy istep jatqan kásibimiz quldyrap ketti. Qazirgi ýaqytta qyzmetkerlerimizdiń biri kafelerde ydys jýyp, biri jetkizýshi (kýrer) bolyp, jan jaqqa ydyrap ketti. Qyzmetkerlerimniń barlyǵy da jalǵyzbasty analar. Jańa ınvestordyń kesirinen olar ártúrli aýyr jumystardy istep júr. Nege olar qınalý kerek? Zań bárine ortaq emes pe?. Quqymyzdy talap etip, sotqa bersek te áýejaı ákimshiligi elemeı otyr», – deıdi kásipker Aınur Rahımova.

Al kásipkerdiń qorǵaýshysy Almagúl Mýsına
áýejaı ákimshiligi Joǵary sottyń sheshimi shyqsa da oryndaýǵa asyqpaı otyrǵandaryn aıtady.

-         Sottyń sheshimi 2024 jyldyń 5 qarashasynda kúshine endi. Sol ýaqyttan bastap sheteldik ınvestor sottyń sheshimin oryndaý kerek edi. Joǵary sot 18 aqpanda qarap, jaýapty qanaǵattandyrǵan bolatyn. Alaıda áýejaı ákimshiligi sottyń sheshimin oryndaýǵa asyǵar emes. Onyń sebebin de aıtpaı otyr. Sot bizdiń múddemizge sheshim shyǵardy, ornymyzdy berińizder desek, basqa jerden oryn bereıik dep, zańǵa qarsy shyǵyp otyr», – deıdi qorǵaýshy Alma Mýsına.

Ekonomıs-sarapshy Maqsat Halyq ádillettik prınsıpteri buzylyp otyrǵanyn aıtady.

– Birinshi kezekte áýejaı ákimshilige jalǵa alýshy kásipkerlerge oryndaryn bosatýy jóninde aldyn ala eskertýleri kerek edi. Eskertý úderisiniń bolmaýynyń ózi zańǵa qaıshy kelip otyrǵandaryn bildiredi. Máselen, sheteldik azamattarǵa qatysty aıtar bolsam, «Tártipke baǵynǵan qul bolmaıdy» dep Baýyrjan Momyshuly aıtpaqshy, ár eldiń óz tártibi bar. Qansha jerden sot durys sheshim shyǵaryp otyrǵanymen, ári sottyń naqty sheshimi bar bola tura ol úderis áli júzege aspaı otyr. Sonda zańnyń ústemdigi qurtylyp otyr. Zańnyń ústemdigi bolmasa, onda elimizde iskerlik belsendilik túse beredi. İskerlik belsendilik túsetin bolsa, ekonomıkamyz da quldyraıdy. Eger de ekonomıkamyzdy damytamyz desek, birinshi kezekte bıznestiń quqyqtyq ortasy saqtalýy kerek. Ekinshi kezekte, zańnyń ústemdigi oryndalýy kerek. Sol kezde ádilettilik prınsıpteri de júzege asady. Ári kásipkerlerimiz de ózderin qorǵaı alady. Bulaı jalǵasa berse, erteń básekege qabiletti kásipkerlerimizden aırylamyz, – deıdi Maqsat Halyq.

Jýrnalıserdiń «Áýejaı ákimshiligi usynǵan basqa orynǵa ne sebepti aýyspaısyzdar? degen suraǵyna kásipker Aınur Rahımova:

–        Bul oryn bizdiń burynnan otyrǵan ornymyz edi. Ári bizge úırenip qalǵan tutynýshylarymyz da bar. Áli kúnge deıin «Sizder qaıda kóship kettińizder? Bizge sizderdiń qyzmetterińiz unaıtyn edi» dep habarlasyp jatady. Sondaı-aq ne sebepten jańa ınvestor kele salyp, esh sebebin aıtpastan, aıaqastynan «oryndy bosatyńdar» dep aıtýy da durys emes, – dep jaýap berdi.  

Sonymen qatar kásipker osy ýaqytqa deıin sotqa shaǵym túsirip, tipti Joǵary sotqa deıin qatysyp, jeńse de, áli kúnge Joǵary sottyń sheshimi oryndalmaı otyrǵanyna narazylyǵyn bildirdi.

 ­– Qazaqstannyń azamaty bola turyp, Qazaqstannyń jerinde kásipterine Birikken Arab Ámirliginen kelgen sheteldegi ınvestor bizdiń zańymyzǵa baǵynbaı, Joǵary sotymyzdyń sheshimin elemeı otyrǵany namysqa tıedi, – dep sózin aıaqtady kásipker Aınur Rahımova.