Ózbekstan prezıdenti Shavkat Mırzıóevtiń úlken qyzy Saıda Mırzıóeva Prezıdent ákimshiliginiń basshysy qyzmetine taǵaıyndaldy. Bul týraly memleket basshysynyń baspasóz hatshysy Sherzod Asadov óziniń Telegram-arnasynda habarlady.
"Prezıdent ákimshiliginiń qurylymyna ózgerister engizildi. Prezıdent ákimshiliginiń basshysy degen jańa laýazym engizildi. Ózbekstan Respýblıkasy Prezıdentiniń jarlyǵymen Saıda Shavkatovna Mırzıóeva osy qyzmetke taǵaıyndaldy", – delingen resmı habarlamada.
Baspasóz hatshysynyń málimdeýinshe, memleket basshysy budan bólek birneshe kadrlyq ózgerister jasaǵan.
Saıda Mırzıóeva buǵan deıin — 2023 jylǵy 25 tamyzdan beri — prezıdenttiń kómekshisi qyzmetin atqaryp kelgen. Qazirgi tańda ol 40 jasta jáne Shavkat Mırzıóevtiń tuńǵysh qyzy bolyp tabylady.
BAQ derekterine sáıkes, prezıdenttiń kishi qyzy Shahnoza Mırzıóeva da memlekettik qyzmette. Ol — Ulttyq áleýmettik qorǵaý agenttigi dırektorynyń birinshi orynbasary. Jaqynda ǵana Shahnoza Mırzıóeva Respýblıkalyq Paralımpıada komıteti tóraǵasynyń birinshi orynbasary bolyp saılanǵan. Prezıdenttiń taǵy bir balasy — uly Mıralısher Mırzıóev týraly kóp aqparat joq.
