Izraıl úkimeti Iranǵa qarsy áskerı operasıa barysynda barlyq maqsattarǵa qol jetkizilgenin, tipti keıbir nátıjeler kútkendegiden asyp túskenin málimdedi. Osyǵan baılanysty Tel-Avıv AQSH prezıdenti Donald Tramp usynǵan atysty toqtatý týraly bastamany qoldaıtynyn habarlady.

24 maýsym, seısenbi kúni tańerteń Izraıl premer-mınıstri Bınámın Netanáhýdyń keńsesi atysty toqtatý rejıminiń kúshine engenin rastady. Úkimet basshysy óziniń kabınetine Izraıldiń barlyq áskerı mindetterdi oryndaǵanyn jetkizgen.

Sonymen qatar, Izraıl tarapy eger bitim sharttary buzylatyn bolsa, oǵan qatań jaýap qaıtaratynyn eskertti.

Buǵan deıin Iran óz málimdemesinde, eger seısenbi kúni Tegeran ýaqytymen saǵat 4:00-ge deıin (Astana ýaqytymen 5:30) Izraıl tarapynan shabýyl toqtatylsa, Tegeran da jaýap sharalaryn doǵaratynyn habarlaǵan bolatyn.