Pavlodarda áıel kópqabatty úıdiń terezesinen eki balasyn laqtyryp, keıin ózi de sekirip ketken, dep jazady Qamshy.kz aqparattyq agenttigi. 

Qaıǵyly oqıǵaǵa qatysty aqparat “Za namı vyehalı” telegram arnasy habarlady. Arnanyń málimetinshe, jedel járdem qyzmetine oqıǵa týraly kýágerlerdiń biri habarlaǵan. 

"Joldan ótip bara jatqan adam Nurmaǵambetov kóshesindegi úılerdiń birinde áıel besinshi qabattyń terezesinen eki balasyn laqtyryp, ózi de sekirip ketkenin habarlady. Joǵary sanat boıynsha oqıǵa ornyna jedel járdemniń úsh brıgadasy jiberildi", – dep málimdedi oblystyq jedel medısınalyq járdem stansıasynyń baspasóz qyzmeti. 

Áıel de aýyr jaraqat alyp, qalalyq №1 aýrýhanaǵa jatqyzyldy.  Pavlodar oblysynyń bala quqyqtary jónindegi ýákili Saýle Shákenovanyń aıtýynsha, zardap shekken balalardyń biri – bir jarym jasta, ekinshisi – bes jasta.