Jeksenbi kúni Qytaıdaǵy Gangkong qalasynda chıkýngýná bezgegi dep atalatyn qaýipti vırýs taralǵany habarlandy. Gangkongtyń densaýlyq saqtaý ortalyǵynyń resmı deregi boıynsha qazirdiń ózinde ınfeksıa 7000-nan astam adamnan anyqtalǵan. Alǵash ret aýrý Qytaıdyń Foshan qalasyna saparynan oralǵan 12 jasar balada anyqtaldy. 

Resmı derek boıynsha ázirge aýyr jaǵdaılar men ólim-jitim tirkelmegeni atap ótildi. Infeksıa juqtyrǵandardyń kóbisi 2770 jaǵdaı Foshan qalasynda tirkelgen. 

Bul bezgektiń túri basqa adamdarǵa masa arqyly taraıdy. Infeksıa juqtyrǵan adamda qyzý kóterilýi, býyndardyń qatty aýyrýy, júıke júıesiniń buzylýy sekildi asqynýlar paıda bolady.

Qytaı bıligi jaǵdaıdyń baqylaýda ekenin málimdedi. Sondaı-aq týrıserge eshqandaı qaýip joq ekeni habarlandy. 

Bıyl mundaı jaǵdaı álemniń Úndistan, Lıvan sekildi elderinde tirkelgen bolatyn. Mysaly Mýmbaıda maýsym aıynda 21 adam, shildede 129 adam chıkýngýná ınfeksıasyn juqtyrǵan.