Sherzat Polattyń aǵasy - Nurqanat Ǵaıypbaevtyń ólimine baılanysty qozǵalǵan qylmystyq is toqtatyldy, dep jazady Qamshy.kz aqparattyq agenttigi. Bul týraly marqumnyń otbasynyń advokaty Meıirman Shekeev Instagram paraqshasynda habarlady.
"Nurqanattyń isi toqtatylǵan. Alaıda biz bolashaqta isti qaıta jandandyrý úshin ótinishhat túsiretin bolamyz", dep jazdy zańger.
Eske salaıyq, 2024 jyldyń jeltoqsan aıynyń basynda Nurqanat Ǵaıypbaevtyń denesi Talǵar shetinde turǵan kólikten tabylǵan edi. Bul qaıǵyly jaǵdaı kámeletke tolmaǵan jıeni Sherzattyń tóbeles kezinde óltirilgeninen birneshe aı ótken soń bolǵan. Sol janjal kezinde Nurqanattyń ózi de birneshe jerinen pyshaq jaraqatyn alǵan.
Aldyn ala nusqa boıynsha, Ǵaıypbaev ózin-ózi óltirgen dep boljanǵan.
