Jambyl oblysynyń qylmystyq ister jónindegi mamandandyrylǵan aýdanaralyq sotynda balaǵa seksýaldyq sıpattaǵy zorlyq-zombylyq jasaǵany úshin aıyptalǵan J.-ǵa qatysty qylmystyq is qaraldy.
2025 jyly 25 sáýirde sottalýshy J. Qordaı aýylyndaǵy óziniń turǵylyqty meken-jaıynda mas kúıde jábirlenýshi (2019 j.t.) R.-dyń dármensiz kúıin paıdalanyp, ákesi bola tura, seksýaldyq sıpattaǵy zorlyq-zombylyq jasaǵan.
Sotta jábirlenýshi tarap sottalýshyny keshirmeı, zań boıynsha jaza taǵaıyndaýdy suraǵan. Sottalýshy J. kinásin tolyq moıyndaǵan.
Sot úkimimen er adam QK-niń 121-baby 4-bóligi boıynsha kináli dep tanylyp, oǵan ómir boıyna bas bostandyǵynan aıyrý túrindegi jaza taǵaıyndaldy. Sot moraldyq zıannyń ótemi retinde 5 mln teńge óndirdi.
Úkim zańdy kúshine engen joq.
