Qasym-Jomart Toqaev halyqqa joldaýynda eldiń energetıkalyq táýelsizdigin qamtamasyz etý maqsatynda jańa atom elektr stansıalaryn salýdy josparlaý qajet ekenin aıtty. 

Memleket basshysy qazirdiń ózinde ekinshi, tipti úshinshi atom stansıasyn salýdy josparlaý kerek ekenin aıtty. Onyń sózinshe, Qytaı Halyq Respýblıkasynyń tóraǵasy Sı Szınpınmen ótken kezdesýde eki el atom salasyndaǵy strategıalyq áriptestikke erekshe mán berdi.

– Qazaqstan óz energetıkalyq egemendigin qamtamasyz etý úshin álemdik jetekshi kompanıalarmen ózara tıimdi yntymaqtastyqqa daıyn, – dedi Toqaev.

Sonymen qatar prezıdent Qazaqstannyń mol kómir qoryn tıimdi paıdalanýdyń mańyzdylyǵyn aıtty.

– Eldegi sapaly kómir qory zor. Sondyqtan onyń ekologıalyq turǵydan taza ári zamanaýı tehnologıalardy qoldaný arqyly damýyna basa nazar aýdarý qajet. Tabıǵı artyqshylyqtarymyzdy eldiń damýy úshin tıimdi paıdalanýymyz kerek, – dedi memleket basshysy.