Qazaqstanda stomatologıalyq qyzmetterdi tóleý úshin zeınetaqy jınaqtaryn paıdalanýǵa ótinimder qabyldaý ýaqytsha toqtatylady. 

«Otbasy bankiniń» baspasóz qyzmetiniń sálimetinshe, 15 qyrkúıekke deıin berilgen ótinishter shtattyq rejımde qaralady. Al odan keıin mundaı múmkindik alynyp tastalady.

"Qurmetti klıentter, 2025 jylǵy 15 qyrkúıekten bastap enpf-otbasy.kz platformasynda tis emdeýge zeınetaqy jınaqtaryn (BJZQ qarajatyn) paıdalaný boıynsha ótinimder qabyldaý toqtatylady. Bul kúnge deıin berilgen barlyq ótinim qalypty tártipte qaralady jáne óńdeledi", – dep málimdedi "Otbasy bank".

Buǵan deıin biryńǵaı jınaqtaýshy zeınetaqy qorynan (BJZQ) tólenetin qarajat tolyq kólemde jeke tabys salyǵynan bosatylatyny belgili boldy. Iaǵnı qazaqstandyqtar zeınetaqy qarjysyn, sonyń ishinde baspana alýǵa arnalǵan bóligin de, somanyń 10%-yn ustap qalýsyz paıdalana alady.