Qanat Sharlapaev, Tamara Dúısenova men Ernar Baspaev qyzmetinen bosatyldy, dep habarlaıdy Aqorda.
"Memleket basshysynyń Jarlyǵymen Tamara Bosymbekqyzy Dúısenova Qazaqstan Respýblıkasy Prezıdentiniń kómekshisi laýazymynan bosatyldy.
Qanat Sharlapaev Qazaqstan Respýblıkasy Prezıdentiniń ekonomıkalyq máseleler jónindegi kómekshisi laýazymynan bosatyldy.
Ernar Baspaev Qazaqstan Respýblıkasy Prezıdentiniń keńesshisi laýazymynan bosatyldy", delingen habarlamada.
Tamara Dúısenova Toqaevtyń kómekshisi bolyp bıyl aqpanda taǵaıyndalǵan bolatyn. Qanat Sharlapaev aqpan aıynda prezıdenttiń kómekshisi bolyp taǵaıyndalǵan. Al Ernar Baspaev 2023 jyldyń qyrkúıeginen beri prezıdenttiń keńesshisi qyzmetin atqarǵan edi.
