Reseı men Qazaqstan respýblıkadaǵy atom elektr stansıasy qurylysynyń tehnıkalyq, qarjylyq jáne quqyqtyq parametrlerin talqylap jatyr, dep habarlady Reseıdiń syrtqy ister mınıstri Sergeı Lavrov.
"Qazirgi ýaqytta tıisti vedomstvolar tehnıkalyq jáne qarjylyq parametrlerdi, sondaı-aq zań aıasyndaǵy máselelerdi pysyqtap jatyr", - dedi Lavrov Qazaqstannyń syrtqy ister mınıstri Ermek Kósherbaevpen kelissózderdiń qorytyndysy boıynsha.
Lavrov Kosherbaevqa Reseıdiń osy baǵyttaǵy barlyq mindettemeni adal, ýaqtyly jáne tolyq oryndaýǵa daıyn ekenin rastaǵanyn jetkizdi.
Sonymen qatar Lavrov kelissózder barysynda áriptesin Ýkraınadaǵy jáne onyń aınalasyndaǵy sońǵy oqıǵalar týraly habardar etkenin málimdedi.
"Biz dostarymyzdy Ýkraınadaǵy jáne onyń aınalasyndaǵy sońǵy oqıǵalar týraly habardar ettik. Qazaqstandyq dostarymyzdyń bizdiń ustanymymyzdy túsingenin baǵalaımyz. Ásirese, Batys elderi Reseıdiń zańdy qaýipsizdik múddelerine nuqsan keltirý úshin Ýkraınany paıdalaný nıetimen kóp jyldar boıy jasap kele jatqan osy qaqtyǵystyń túpki sebepterin joımaıynsha qaqtyǵysty retteý múmkin emes ekenin túsinetinderin baǵalaımyz", - dedi Lavrov.
Eki eldiń syrtqy ister mınıstrleri Reseı Federasıasy men Qazaqstan Respýblıkasy arasyndaǵy dıplomatıalyq qarym-qatynastyń ornaǵanyna 33 jyl tolýyna oraı kezdesip jatyr.
