Irandaǵy úkimetke qarsy narazylyqtarǵa baılanysty Tegeranǵa qarsy qoldanylýy múmkin áskerı jáne jasyryn (kıber, psıhologıalyq) sharalar jóninde AQSH prezıdenti Donald Tramptyń qatysýymen brıfıń bolǵan. Bul týraly Pentagondaǵy derekkózderge silteme jasap BBC habarlady.

Múmkin nusqalar qatarynda alys qashyqtyqtaǵy zymyran soqqylary, kıberoperasıalar jáne Irannyń basqarý júıeleri men baılanysyn álsiretý áreketteri bar. Aq úıde seısenbi kúni Iran máselesine arnalǵan qaýipsizdik keńesi otyrysy ótýi múmkin.

Adam quqyqtaryn qorǵaý uıymdarynyń dereginshe, sońǵy úsh aptada Iranda 600-den astam narazylyqqa qatysýshy qaza tapqan. Osyǵan baılanysty Tramp Iranmen saýda baılanysy bar elderge 25 paıyzdyq baj salyǵyn engizetinin málimdedi.

Iran tarapy kelissózderge daıyn ekenin aıtqanymen, soǵysqa da ázir ekenin eskertti. Sarapshylar AQSH-tyń kez kelgen áskerı qadamy aımaqtaǵy jaǵdaıdy odan ári ýshyqtyrýy múmkin ekenin atap ótýde.