Astanada aıaz kúsheıdi, qaýipsizdik úshin 10 qala mańy baǵyty ýaqytsha toqtatyldy. Qala syrtyn betke alǵan turǵyndar marshrýt josparyn qaıta qaraǵany durys.

Qaı baǵyttar júrmeıdi?

City Transportation Systems (CTS) 13 qańtar keshinde myna qala mańy baǵyttarynyń qozǵalysyn ýaqytsha toqtatty: 305, 308, 309, 310, 312, 315, 316, 327, 328, 329.

«Qalǵan qala mańy baǵyttary qatynap tur», – dep habarlady kompanıa.

Qazir aýa raıy qandaı?

Qalada shamamen -18°C aıaz tur, túnde -28…-30°C, erteń kúndiz -21…-23°C bolmaq. Bult aragidik seıiledi, jaýyn-shashyn kútilmeıdi.

Túnde jáne tańerteń tuman túsýi múmkin, joldarda kóktaıǵaq saqtalady. Jel soltústik-shyǵystan 9–14 m/s soǵady.

15–16 qańtardyń boljamy

Sınoptıkter 15–16 qańtarda da jaýyn-shashynsyz, arakidik bultty aýa raıy saqtalatynyn málimdedi. Túnde -26…-28°C, kúndiz -20…-22°C kútiledi. Jel soltústik-shyǵystan 9–14 m/s soǵady.

Qaýipsizdik úshin jolǵa erte shyǵýdy, qosymsha kıim alýdy jáne balama kólik nusqalaryn qarastyrýdy mamandar usynady.

Bul týraly Qamshy.kz aqparat agenttigi habarlaıdy.