BUU Qaýipsizdik Keńesi Iranda sońǵy aptalarda bolǵan qandy narazylyqtarǵa baılanysty shuǵyl otyrys ótkizdi. Jıyn AQSH-tyń bastamasymen shaqyryldy.

Irannyń BUU-daǵy ókili Golamhoseın Darzı eliniń qaqtyǵysqa umtylmaıtynyn, biraq AQSH tarapynan kez kelgen agresıa bolsa, Irannyń jaýap beretinin málimdedi. Ol Vashıngtondy Irandaǵy tártipsizdikterdi qozdyrýǵa qatysy bar dep aıyptady.

AQSH ókili Maık Ýols Iran bıliginiń narazylyqtarǵa qatygezdikpen jaýap berip jatqanyn aıtyp, ınternettiń óshirilýi jaǵdaıdyń naqty aýqymyn anyqtaýǵa kedergi keltirip otyrǵanyn jetkizdi.

BUU ókili Marta Pobıı narazylyqtar 2025 jyldyń jeltoqsanynda ekonomıkalyq daǵdarys saldarynan bastalyp, búkil eldi qamtyǵanyn aıtty. Adam quqyqtaryn qorǵaýshylar 18 myńnan astam adam ustalǵanyn habarlaǵan, biraq bul derekter áli rastalmaǵan.

Iran bıligi narazylyqqa qatysýshylardy ólim jazasyna kesý jospary bar degen aqparatty joqqa shyǵardy.

Otyrys barysynda ırandyq azamattyq qoǵam ókilderi de sóz sóılep, halyqaralyq qaýymdastyqty Irandaǵy qantógiske jaýaptylardy jaýapqa tartýǵa shaqyrdy.