Ýkraına men Reseı ókilderi Abý-Dabıde aýmaqtyq máselege qatysty alǵashqy úshjaqty kelissóz júrgizdi. Kezdesýde qaqtyǵystyń negizgi túıini sanalatyn aýmaqtyq daýlar talqylanǵan. Kelissózderdi senbi kúni jalǵastyrý josparlanyp otyr.
Kezdesýge Ýkraına, Reseı jáne úshinshi tarap ókilderi qatysqan. Ýkraına prezıdenti Vladımır Zelenskııdiń aıtýynsha, kelissózderdiń basty taqyryby – Donbass óńiriniń bolashaǵy. Ol bul másele boıynsha naqty sheshimge kelý úshin birneshe kezeńnen turatyn dıalog qajet ekenin atap ótti.
Zelenskıı sondaı-aq AQSH tarapynan Ýkraınaǵa arnalǵan qaýipsizdik kepildikteri ázirlengenin málimdedi. Onyń sózinshe, bul kepildikter yqtımal kelisimniń bir bóligi bolýy múmkin. Qujatqa qol qoıý ýaqyty ázirge naqty belgilenbegen, alaıda taraptar kún tártibin kelisý baǵytynda jumys júrgizip jatyr.
Abý-Dabıdegi kelissózder — Reseı men Ýkraına arasyndaǵy tikeleı dıalogty jandandyrýǵa baǵyttalǵan kezekti talpynys. Aldaǵy kezdesýlerde aýmaqtyq máseleden bólek, qaýipsizdik pen saıası retteý tetikteri de qaralýy múmkin.
