Jańa týrısik maýsym qarsańynda Alakól jaǵalaýynda demalýshylarǵa qolaıly jaǵdaı jasaýǵa baǵyttalǵan ınfraqurylymdyq jumystar tolyq aıaqtaldy.

Bıyl jaǵalaý aýmaǵyna 470 konteıner, 50 torly konteıner, 100 qoqys jáshigi jáne 100 plasık konteıner ornatyldy. Sondaı-aq týrıserdiń jaılylyǵy úshin 44 kıim aýystyrý kabınasy men 24 modýldi ájethana paıdalanýǵa berildi.

Qosymsha rezerv retinde 45 bıodárethana daıyndaldy. Olar demalýshylar sanyna baılanysty jaǵalaýdyń eń kóp keletin aýmaqtaryna kezeń-kezeńimen ornalastyrylady.

Qaýipsizdik sharalary da kúsheıtildi. Jaǵalaý boıyna 40 qutqarý munarasy qoıylyp, sýdaǵy qaýipsizdikti qamtamasyz etý úshin 13 shaqyrymdyq qalqyma belgi jelisi tartyldy jáne 7 pırs jabdyqtaldy.

Týrıserdiń aýmaqta erkin júrip-turýy maqsatynda 14 baǵyttaýshy kórsetkish pen 38 aqparattyq taqta ornatyldy. Bul demalýshylarǵa qajetti nysandardy ońaı tabýǵa jáne qaýipsizdik talaptarymen jedel tanysýǵa múmkindik beredi.

Infraqurylym nysandaryn ornalastyrý jáne ornatý boıynsha josparlanǵan barlyq jumys tolyq aıaqtaldy. Qazirgi ýaqytta Alakól jaǵalaýy shomylý maýsymyn qabyldaýǵa tolyq daıyn.