Keshe,  mıtıńide  polısıaǵa aıqaılaǵan, Janara D'Ark atalǵan  qyzǵa rıza boldyq. Onyń sol áreketin tártip saqshylaryn arandatýshylyq deýge  bolmaıdy. Jalyndy sózderine, onyń aıtqandary kópshiliktiń kókeıindegilermen sáıkes kelgenine razymyz. Iá, polısıa óziniń mindetin atqardy, olardyń arasynda da ultqa, qazaqqa jany ashıtyndar, bıliktiń búgingi saıasatyna ishteı narazylar bar. Olar ýaqyt ótken saıyn kóbeıip kele jatpasa, azaımaıdy. Óıtkeni Úkimettiń qazirgi ustanymyna narazylar kóp.23 jylda kórkeıip, jaǵdaı túzelýdiń ornyna keri ketip baramyz. Ekonomıka derbestelgen (dıversıfıkasıa) joq, eksporttan ımport basym, klasterlik júıe qalyptastyrylmaǵan, munaı men gaz, tabıǵı resýrstarǵa baımyz, biraq qzyǵyn kóre almaı otyrmyz... Qysqasy, tizim osylaı jalǵasa beredi. Al myna qyz óz narazylyǵyn ashyq aıtty. "Týǵan jerimde ne isteı alasyń maǵan meniń, ?!" dedi. "Meni alyp ketip, ne isteısiń, senen nege qorqýym kerek?" degen ashý-yza jatyr. Polıseılerdiń kózge tik qaraı almaı, qıpańdaýynyń astarynda quddy "Maǵan ne qyl deısiń endi? Men tek buıryqty oryndaımyn ǵoı" degen aqtalý jatqan sıaqty kórindi... Ári qazir adamdardyń kópshiliginiń júıkesi syr bergen: qarapaıym adamdardy bári qorqytady: bılik te, irili usaqty sheneýnik te, ákim-qara, jumys beretin bastyq ta, tipti, esik kúzetip otyrǵan kúzetshi de... Nege? Óıtkeni ZAŃ jumys istemeıdi. Zań hanǵa da, qaraǵa birdeı. Alaıda, zańdy keıbir memlekettik qyzmetkerdiń ózi saqtamaıdy. Basqaǵa ne joryq? Osyny tipti, Qazaqstanǵa keletin sheteldikter de óz paıdasyna utymdy paıdalanyp júr...

Názıa Joıamergenqyzy

(Fb paraqshasynan)