Toqsanynshy jyldardyń sońy... Bir top qazaqstandyqtar Eýropanyń tórine, nemis jerine taban tiredik. Delegasıa quramynda kimder joq deısiz? Aq saqaldy akademık te, qyrma saqal kásipker de, dini berik dindar da, kúmis kómeı ánshi de, tipti "jalańaıaq" jýrnalıs te barmyz. Attaryn atamaı-aq qoıaıyn, ony sálden soń ózderińiz de túsinesizder. Hosh, sonymen meımanhanaǵa ornalasyp jatyrmyz. Operator Hasen Omarqulov ekeýmizge atshaptyrym eki bólmelik nomer buıyrdy. Kári qurylyqqa alǵash tabany tıgen bizder úshin bári tańsyq. Tońazytqyshta tizilip turǵan neshe túrli sýsyndar, púltpen isteıtin jeldetkish, tipti esiktiń ózin magnıt kárteshkemen ashýdyń ózi tań qaldyryp jatty. Hasen batyr alty adam erkin aýnaıtyn alyp tósekke jata qalyp televızordy qospaı ma...Anaý jaqtan jalańash áıel erkegimen jarq ete túskende kózimizdiń buldyrap ketkenin nesin jasyraıyn. Álgi bálesi jalt-jult etti de joq boldy. Ornyna nemisshe bir jazýlar qaıta-qaıta jyltyńdap shyǵa berip, jynymyzǵa tıdi. Hasekeń mundaıda pysyq. Nemisshesi joq bolsa da júgirip ketip, "jerden jeti qoıan tapqandaı" qaıta oraldy. -E, bildim,-deıdi,-Myna púlttiń myna bir núktesin basa qoısań, jańaǵyny qalaǵanyńsha kóre beredi ekensiń. Tek erteń tańerteń "resepshinge" aqshasyn tóleseń bolǵany... ...Hasen qoımady. Men de kóp qarsylyq bildirmedim ǵoı deımin. Áıteýir bir-eki saǵat kórgenimiz esimde. Eń qıyny tańerteń boldy. Aqsha tóleıtin jerge barýǵa júrek daýalamaı, biraz tolqyǵanymyz ras. Az da bolsa uıattyń bolǵandyǵynan ǵoı deımin. Tólemeseń taǵy bále. Uıala, uıala "resepshinge" kelsek... búkil delegasıa osynda. Aq saqaldy akademık te, qyrma saqal kásipker de, dili berik dindar da, kúmis kómeı ánshi de...oǵan jalańaıaq jýrnalıser qosyldyq. Dál birdeńe búldirip qoıǵandaı, bir-birimizge týra qaraýǵa taısaqtaǵanymyzdy aıtsańyzshy , sonda...Nemis halqynyń danyshpandyǵyna tań qalyp edim sonda. Bizdi eshkim qınaǵan joq. Kórmeseń kórmeı-aq qoı... Ólip bara jatsań aqshasyn tóle de kóre ber! Óte durys prınsıp... ...Keshe túnde kezekti senarıimdi bitirip, tún ortasynan aýyp ketse de televızordy qosa qalǵanym beker boldy-aý... Álgi STV arnasynan jalańash qyzdardy kórip shalqamnan tústim. Nemister sekildi emes. Qansha kórem deseń de kóre ber. Tipti telefonyn usynyp, ońashada oıyńnan shyǵatyndyǵyna kepildik berip jatyr. Aý, munyń barlyǵyn on bes jyl buryn ótip ketip edik qoı! STV-nyń esi durys emes! Aq saqaldy, qyrma saqaldy kókeler! Senbeseńizder búgin túnde STV-ny qosyńyzdar! Nemereler uıyqtap qalady ol kezde... Tek, tańerteń bir-birimizden uıalyp júrmeıik...
Túıin: Bul Zań buzýshylyq bolyp sanalady. QR BAQ týraly zańynyń, 25 bap, 2-1 tarmaǵyna sáıkes zorlyq jane pornografıalyq aqparat úshın STV arnasy zań aldynda jaýap berýge mındetti.
Arman Sqabyluly
