Memlekettik syılyqtyń laýreaty, belgili qalamger Tólen Ábdik «Túrki áleminiń úzdik jazýshysy» atandy. Túrkıanyń Eskıshehır qalasynda ótip jatqan «Ádebı jýrnaldar redaktorlarynyń VI quryltaıynda» qazaq jazýshysy Tólen Ábdikke mártebeli ataq saltanatty túrde tabys etildi. Qazirgi tańda qalamgerdiń shyǵarmalary túbi bir týys 13-ten astam eldiń tilderine aýdarylyp, keńinen taralyp jatyr. Sondaı-aq quryltaıǵa qatysýshy túrki memleketiniń jazýshylary ortaq ádebı qundylyqtardy nasıhattaýdyń mańyzdy joldaryn qarastyrdy. Jıyn sońynda Túrik keńesine múshe elderdiń «Jazýshylar odaǵyn» qurý týraly sheshim qabyldandy. Tólen Ábdik, jazýshy, Memlekettik syılyqtyń ıegeri: - Meniń shyǵarmashylyǵymdy qoldap, 2013 jyly Túrik dúnıesi ádebıetiniń «Jyl adamy» dep habarlap, meniń shyǵarmalarymdy barlyq túrik tilderine aýdaryp, halyqqa tanystyryp jatqan qalamdas áriptesterime myń da bir rahmet aıtqym keledi. Iakýp Omerogly, Eýrazıa jazýshylar odaǵynyń tóraǵasy: - Bul jerge Túrik keńesine múshe memleketter Túrki álemi jazýshylar odaǵyn quraıdy. Bul uıym túrik halyqtarynyń ádebıeti men mádenıetin jaqyndastyrýǵa úlken qyzmet kórsetedi dep oılaımyz www.24.kz