Keshe bizge Kopernık ýnıversıtetinde saıasattaný fakúltetinde doktorontýrada bilim alyp jatqan Marıanna atty ýkraın qyzy "Kýda napravláetsá Ýkraına?" degen taqyryppen dáris oqydy. Aldymen "Qazaqstan BAQ-tary Ýkraınadaǵy jaǵdaıdy qalaı jazyp jatyr?" degen suraqty qoıyp, bizdiń pikirimizdi tyńdaǵan ol, barlyq dúnıeniń alǵashynda beıbit túrde bastalǵanyn, sońy osyndaı jaǵdaıǵa ulasqanyn aıtty. Elindegi jaǵdaıdy aıtqanda etjúregi eljirep, Maıdannyń qaq ortasynan dosy túsirip jibergen sýretterdi kórsetkende tipti jylap jiberýge az qaldy. Negizi o basta halyq saıası isterge aralasýǵa qulyqsyz bolǵan eken. Saılaýlarda daýysty kári-qurtańdar berip, jastar kóp jaǵdaıda tys qalyp otyrǵan. Biraq eldegi áleýmettik jaǵdaı, prezıdentteriniń Reseıge jaǵynýǵa tyrysqan jankeshtiligi qarapaıym halyqtyń ashý-yzasyn bir-aq kúnde burq etkizgen. Sońy Maıdandaǵy qandy qyrǵynǵa ulasqan. Biz Marıannadan: "Halyq bosqa qyrylyp qalǵan joq pa? Bul áreketterinen nátıje shyǵady dep oılaısyz ba?" dep surap edik, ýkraın qyzy eliniń jeńiske jetetinine senimdi. Búrkittiń halyq jaǵyna shyǵyp jatqanyn, keı bıliktegi adamdardyń shetelge ketip jatqanyn, qazirgi bılik ǵumyrynyń bitýine az qalǵanyn erekshe senimmen aıtqan edi. Ras, men de tynyshtyqty jaqsy kóremin. Biraq ýkraın halqynyń azattyqtary jolyndaǵy kúresin joǵary baǵalaımyn. Bar jan-tánimmen olardyń tolyq jeńiske jetýin tileımin. Al bizdiń elde ondaı qandy qyrǵyn eshqashan bolmasyn!

(avtordyń feısbýktegi paraqashsynan alyndy)