Semeı qalasynyń soltústik bóliginde aýmaǵy 147 ga quraıtyn jańa «Qaraǵaıly» turǵyn shaǵyn aýdan salynady. Jańa aýdan jalpy 541,7 myń sh.m. quraǵan 10 kópqabatty úıden turady. Bul jaıly baspasóz máslıhaty barysynda Semeı qalasynyń ákimi Ermak Sálimov málimdedi.

         Shahar basshysynyń aıtýynsha, aǵymdaǵy jyly aýdandy jaryq, jylý, sý júıelerimen qamtamasyz etý jumystary bastalǵan.

         – «Qaraǵaıly» yqsham aýdanynyń aýmaǵynda mektep, jataqhana, balabaqsha salynyp, barlyq jaǵdaı jasalady. Qazirgi ýaqytta, qosymsha qarajat kózderin izdestire otyryp, jospardy aıaǵyna deıin jetkizýdi kózdeımiz, – dedi Ermak Salımov.

Sondaı-aq, ınjenerlik komýnıkasıalarmen jabdyqtaý úshin jobalyq-smetalyq qujattar da ázirlenýde. Atalǵan joba boıynsha, 10 úı qurylysyna 4,3 ga jer telimi bólingen.

Yqsham aýdanda 720 oryndyq «Fızıka-matematıkalyq baǵyttar boıynsha oqytatyn Nazarbaev zıatkerlik mektebimen» qatar Semeı medısınalyq ýnıversıtetine qarasty 7 jataqhana qurylysy júrgizilýde. Jospar boıynsha taǵy 240 oryndyq balabaqsha, qazaq-túrik lıseıi men áleýmettik qajetti nysandar salynady.

         Aıta ketsek, aǵymdaǵy jyly Semeıde aýmaǵy 80 394 sh.m. quraıtyn 11 kópqabatty úı qoldanysqa berilgen.

Jalpy, aǵymdaǵy jyly Semeıde 80 394 sh.m. quraıtyn 11 kópqabatty turǵyn úı paıdalanýǵa berildi.