Ulttyq bank basshysy Danıar Aqyshev "Turǵyn úı qurylys jınaq bankiniń" basshysy qyzmetinen ketken Nurbıbi Naýryzbaevanyń abyroıy qalpynda dep sanaıdy, ol ony bankke qyzmetker retinde qabyldaǵan bolatyn, - dep habarlaıdy «Qamshy» portaly Tengrinews.kz – ke silteme jasap.

Aqyshevtiń aıtýynsha, Naýryzbaeva ishki aýdıt departamentiniń basshysy bolyp taǵaıyndaldy.

Aıta keteıik, "Turǵyn úı qurylys jınaq bankiniń" burynǵy basshysy uıymdaǵy basshylardyń keıbirine páterlerdiń taratylýy jaıynda janjal týyndaǵannan keıin qyzmetinen ketken bolatyn. "QR Ulttyq banki tóraǵasynyń buıryǵymen Naýryzbaeva Nurbıbi Serekqajıqyzy arnaıy tekserýden ótkenshe ishki aýdıt departamenti basshysynyń mindetin atqarýshy bolyp taǵaıyndaldy. QR Ulttyq bankiniń qyzmetkerleri memlekettik qyzmetkerler bolyp eseptelmeıdi, onyń ústine, olar barlyq tıisti prosedýralar men tıisti organdardyń tekserýinen ótedi. Eger Naýryzbaeva Nurbıbi Serekqajıqyzynda qandaı da bir jaǵdaılar týyndasa jáne olar onyń bul qyzmetke taǵaıyndalýyna kedergi keltirse, ol arnaıy tekseristen ótpeıdi. Meniń oıymsha, Nurbıbi Naýryzbaevanyń abyroıy - qalpynda. Ol uzaq jyldar boıy Ulttyq banktiń ishki aýdıt departamentin basqarǵan jáne ol onyń negizin salýshy, jumysty rettep, ol jerdegi tıisti talaptardyń barlyǵyn biledi. Al onyń "Turǵyn úı qurylys jınaq bankindegi" jumysyna qatysty aıtatyn bolsaq - ol qyzmetinen ketti, alaıda, oǵan qatysty quqyq qorǵaý organdarynyń taǵar kinási joq", - dedi Aqyshev.

Eske sala keteıik, "Turǵyn úı qurylys jınaq bankiniń" basshysynyń aýysqany 2013 jyly qazanda belgili boldy. Jańa basshy bolyp Aıbatyr Jumaǵulov taǵaıyndaldy. Ol kezde páterlerdi taratýǵa baılanysty janjalǵa Memleket basshysy Nursultan Nazarbaevtyń ózi pikirin jetkizgen bolatyn.