25 jeltoqsanda Almatydaǵy «Mega park» oıyn-saýyq kesheninde birneshe aıdan beri arnaıy baǵdarlamanyń turaqty jankúıerleri men kórermenderi úshin «Qazaqstan» teleradıokorporasıasy aqtyq márege jetken jarysty birge tamashalaý múmkindigin uıymdastyrady, - dep habarlaıdy «Qamshy» portaly QazAqparatqa silteme jasap.

Bul kúni jobaǵa qatysýshylardy qoldaý úshin otandyq estrada juldyzdary men áıgili sportshylar keledi, dep habarlaıdy «Qazaqstan» RTRK» AQ baspasóz qyzmetinen. 
«Namys doda» - bul sporttyq saıys bolǵanymen, sonymen qatar oıyn-saýyqtyq baǵdarlama. Bul tartysta kásibı sportshylar men qatar, medıa salasynyń ókilderi men tanymal ártister qatysýda. 

Bıylǵy jyly «Namys doda» saıysynda Fransıa, Qytaı, Aljır, Vengrıa jáne Qazaqstan baq synasýda. 

İs-shara 25 jeltoqsanda saǵat 20:00-de Almatydaǵy Seıfýllın kóshesinde ornalasqan «Mega park» oıyn-saýyq kesheninde ótedi.