Qazaqstan ulttyq bankiniń tóraǵasy Danıar Aqyshev búgin Eýrazıa ekonomıkalyq odaqqa (EAEO) múshe elder ortaq valúta qurý máselesin qarastyryp jatqan joq dep málimdedi, - dep habarlaıdy «Qamshy» portaly.

"Odaq qyzmetiniń negizi sanalatyn kelisimde EAEO elderinde memleketaralyq valúta engizý týraly eshqandaı ereje joq. Sondyqtan mundaı sharalar talqylanbaıdy", - dedi Aqyshev búgin Almatyda ótkizgen baspasóz jıynynda.

Osy aıdyń basynda Qazaqstan prezıdenti Nursultan Nazarbaev ta osyǵan uqsas málimdeme jasaǵan. "Qazir bul másele kún tártibinde joq" degen Nazarbaev 13 jeltoqsanda respýblıkalyq telearnalardan kórsetilgen memlekettik aqparat quraldaryna bergen suhbatynda.

Buǵan deıin reseılik depýtat, memlekettik dýmanyń TMD isteri, eýrazıalyq ıntegrasıa jáne otandastarmen baılanys komıtetiniń tóraǵasy Leonıd Slýskıı EAEO elderine ortaq valúta shyǵarý jumysy "aýyr bolsa da, júrip jatqanyn" málimdegen. Onyń sózinshe, ortaq aqsha evraz dep atalýy múmkin.

EAEO 2015 jylǵy qańtardan bastap jumys áreket etýde. Qazir odaqqa Reseı, Qazaqstan, Belarýs, Qyrǵyzstan jáne Armenıa múshe.