Qazaqstan ulttyq arnasyndaǵy «Dara jol» atty baǵdarlamasynyń bir sany eki dúrkin Olımpıada chempıony Ilá Ilınge arnaldy. Baǵdarlama barysynda júrgizýshi sportshydan «ádette adamdar aýyrdan qashady? Al siz aýyr kótergennen qandaı lázzat alasyz?» degen saýal tastady. Bul týraly "Qamshy" portaly Baq.kz-ke silteme jasap habarlaıdy.
«Bul meniń aýyrǵa qatysty ishki fılosofıam bolar. Bul jaı ǵana aýyr emes. Alhımıkter ǵasyrlar boıy qarapaıym temirden altyn jasaý ádisterin izdegenin bilesiz be? Al men sol ádisti tapqan syńaılymyn. Meni Vılorıı Pak, Enver Túrkelerı sıaqty jattyqtyrýshylar baptady. Siz tanıtyn Ilá sol alhımık shyǵar. Temirden altyn jasaýǵa múmkindigim jetedi. Sodan lázzat alamyn», – deıdi chempıon.
«Mıllıondaǵan tonnalardy aılap-jyldap kóterýim múmkin. Sonyń nátıjesinde bar bolǵany eki saǵattyń ishinde sol mıllıondaǵan tonnadan altyn jasaımyn. Ol tek 17 nemese 18 mıllıon halyqqa ǵana emes, búkil adamǵa qýanysh syılaıdy. Sebebi nede? Óıtkeni biz adamzattyń ilgeri damýyna jol ashamyz. Biz adam balasynyń buryn kótergen salmaǵynan da aýyr salmaqty kótere alatyndyǵyn dáleldeımiz. Adamzat ósip keledi. Ol jetistikke qushtar. Tek alǵa qaraı jeńiske umtylady. Iaǵnı biz tómenge emes, joǵaryǵa qaraı umytylamyz, – deıdi Ilá Ilın.
