KHDR Koreı túbeginiń soltústigi men ońtústigin bólip turǵan qorǵandy buzýǵa shaqyrdy, - dep habarlaıdy "Qamshy" portaly «Interfakske» silteme jasap.

Atalǵan habarlamada aıtylǵandaı, Soltústik pen Ońtústik jerlerdiń arasyn bólip turǵan qorǵandy buzý arqyly eki eldiń birigý prosesi, órkendeýi jyldamdaı túsedi. Sondaı-aq, Soltústik-SHyǵys Azıa elderimen ekonomıkalyq seriktestiktiń negizin qalaıdy.

Sonymen qatar, KHDR AQSH-pen arada beıbit kelisimshart túzýdi de josparlap otyrǵanyn málimdedi. Onyń nátıjesinde, oqshaýlanǵan osynaý el beıbitshiliktiń nyshanyna aınalady delingen atalǵan qujatta.

Aıta keteıik, Soltústik pen Ońtústik Koreıa arasyndaǵy qabyrǵa Seýldiń bastamasymen salynyp, onyń qurylysy 1979 jyly aıaqtalǵan bolatyn. Qorǵannyń uzyndyǵy 240 shaqyrymdy quraıdy. Osynshama uzyn qabyrǵanyń tek bir ǵana bóliginde eki el arasyndaǵy ótý beketi bar.