Reseılik bankterdiń Qazaqstandaǵy enshiles kompanıalary AQSH jarıalaǵan sanksıalyq tizimge endi, - dep habarlaıdy «Qamshy» portaly.

Atalǵan tizim 22 jeltoqsan kúni jarıalanǵan bolatyn. Sanksıalyq shekteýlerge «VTB» men «Sberbank» bólimsheleri de ilinip otyr. Atalǵan bankterdiń, Qazaqstannan basqa Armenıa, Avstrıa, Belorýssıa, Ýkranıadaǵy enshiles bankteri jáne Belorýssıa, Shveısarıa men Ýkraınadaǵy fılıaldary da qara tizimge engizilgen.

Al, «Sberbank» basshylary bul sanksıalyq tizimniń keńeıýi bank jumysyna aıtarlyqtaı yqpal etpeıtinin, 2014 jylǵy qyrkúıekte bankke qoıylǵan sanksıalyq shekteýler barlyq bólinisterge taralatynyn aıtqan. «VTB» jetekshileri de AQSH sanksıalary bank klıentterine eshqandaı qolaısyzdyq týǵyzbaıdy dep otyr.