Qaraǵandylyq zıaly qaýym kórnekti memleket qaıratkeri Jumabek Táshenovtiń 100 jyldyǵyna oraı mazmundy is-sharalar josparlap otyr, - dep habarlaıdy «Qamshy» portaly.

Atap aıtqanda, 25 jeltoqsan kúni E.A.Bóketov atyndaǵy Qaraǵandy memlekettik ýnıversıtetiniń Jastar Saraıynda Memleket jáne qoǵam qaıratkeri Jumabek Ahmetuly Tashenevtiń 100 jyldyq mereıtoıyna arnalǵan «Ultyna qorǵan bolǵan uly tulǵa» atty saltanatty kesh ótedi. Jumabek Tashenevtiń júldesine arnalǵan jas aqyndardyń  arasynda «Jyldyń úzdik aqyny» anyqtalatyn oblystyq  jyr báıgesinde, sondaı-aq «Jyldyń úzdik jazýshysy» men «Jyldyń úzdik aıtysker aqyny» jáne  «Jyldyń úzdik qaıratkeri» anyqtalyp, olarǵa júldeler tabystalady.

«Týǵan elin, týǵan jerin qorǵaýda erekshe erlik kórsetip, ulanbaıtaq jerimizdi urpaqqa aman saqtap qalý jolynda basyn báıgege tikken Alashtyń birtýar perzenti, qazaq halqynyń qaharmany Tashenev Jumabek Ahmetulynyń ónegeli isterin, qaıratkerlik jolyn, asyl murasyn dáripteý. Ulttyq poezıamyzdy nasıhattaý, urpaqty ulttyq ata-dástúr rýhyna tárbıeleý. Jastardyń shyǵarmashylyǵyn shyńdaý jáne qoldaý. Halyqtyń rýhanı, mádenı muralaryn keleshek urpaqqa jetkizý jáne ony eldiń sanasyna sińdirý maqsatynda uıymdastyrylady» delingen uıymdastyrý komıteti taratqan habarlamada.

Saltanatty sharaǵa Qazaqstan Respýblıkasynyń eńbek sińirgen qaıratkeri, QR Memlekttik syılyǵynyń ıegeri Qoıshyǵara Salǵara jáne Qazaqstan Respýblıkasynyń eńbek sińirgen qaıratkeri, QR Memlekttik syılyǵynyń ıegeri,  memleket jáne qoǵam qaıratkeri Bekbolat Tileýhan bastaǵan bir top ónerpazdar da qatysady dep kútilýde. Jyr keshine áıgili aqyndar halyqaralyq «Alash» syılyǵynyń ıegerleri Serik Aqsuńqaruly, Abzal Bóken, Qoılybaı Asanov pen Serik Saǵyntaı jáne halyqaralyq, respýblıkalyq án baıqaýlarynyń laýreattary Erjan Bazarbekov, Serjan Musaıyn, Dáýrenbek Árkenovter qatysady. Jyr keshinde «Toqyraýyn tolqyny» ansambli ánnen jyr shashý shashady.