Bıyl qazaqstandyqtardyń jańa jyl merekesin atap ótýge arnalǵan ortaja «búdjeti» 15240 teńgeni quraıdy. Bul byltyrǵy merekedegi kórsetkishten 13 paıyzǵa tómen, - dep habarlaıdy «Qamshy» portaly «Kompetenz» saqtandyrý kompanıasyna silteme jasap.

Kompanıa júrgizgen saýalnamaǵa Almaty men Astana qalalarynyń 18-65 jas aralyǵyndaǵy turǵyndary qatysqan eken.

Suraýǵa qatysýshylardyń 18 paıyzy syılyqqa balalar oıynshyqtaryn alýdy qup kórse, 15 paıyzy kondıterlik ónimder alatyndaryn aıtqan. Saýalnamaǵa qatysýshylardyń 12 paıyzy parfúm ónimderi men kosmetıkalyq quraldardy tańdasa, respondentterdiń 10 paıyzy turmystyq ttehnıka men zamanǵa saı gadjetter syılaımyz dese, 5 paıyzy syılyq sertıfıkattaryn syılaǵandy jón kóredi. Saýalnamaǵa qatysqandardyń ne bári 2 paıyzy sán buıymdaryna tańdaý jasaǵan.

Al, respondentterdiń 29 paıyzy bul merekede eshkimge syılyq jasamaıtynyn ashyq aıtsa, 7 paıyzy óz qolymyzdan ázirlengen tosyn syı jasaımyz dep jaýap berýden qutylǵan.