«Máskeýdegi «Ýkraına» qonaqúıinde tań atqansha toıtoılaǵan, Reseı prezıdenti janyndaǵy Máskeý túbindegi «Barvıha» sanatorııinde alańsyz dem alyp jtqan, Ýkraınadan 12 mlrd. AQSH dollaryn urlap ketken, qanshama adamnyń qanyn moınyna júktegen, halyqaralyq izdeý salynǵan, ózin áli Ýkraınanyń «zańdy» prezıdenti sanaıtyn Ianýkovıch - jer astynan shyqqandaı, kenetten paıda bola ketti, dep jazady álemdik aqpart quraldary.
Ýkraınanyń Joǵary Radasy taǵynan taıdyrǵan, búginde qashqyn Ianýkovıch 2014 j 28 aqpanynda, Astana ýaqyty boıynsha keshki saǵat 19.00 Dondaǵy Rostovta baspasóz máslıhatyn ótkizedi eken degen habar tarady. Biraq, baspasóz máslıhatynyń atalmysh qalanyń naqty qaı jerinde ótetini ázirge qupıa túrinde qalmaq, ol jóninde keıin naqty habarlanatyny jóninde bul habardy taratqan Reseıdiń RIA novostı aqparat agenttigi.Ústimizdegi jyldyń 22 aqpanynda Ýkraınanyń Joǵary Radasy Ianýkovıchti prezıdenttikten taıdyryp, jańa perzıdenttik saılaýdy 2014 j. 25 mamyry kúni ótkizýdi belgilep qoıǵany esimizde. Saılaý ótkenshe, prezıdenttik mindetti Joǵary Rada spıkeri Aleksandr Týrchınov atqaratyn bolady.
Ýkraına ishki ister mınıstrligi qashyp júrgen Ianýkovıchke izdeý jarıalady. Al, qashyp júrgen Ianýkovıch áli kúnge ózin Ýkraın prezıdenti sanaıdy.Reseı bıligi de Ianýkovıchti áli Ýkraınanyń zańdy prezıdenti sanaıtyn sıaqty. Ol álemdegi barlyq dıktatorlar sıaqty, EýroMaıdandaǵy 82 adam ólimine, 855 adamnyń aýyr jaraqat alýyna jaýapty birden bir adam.
Sondaı-aq, keshe Qyrymdaǵy «Berkýt» áskerı jasaǵynyń burynǵy sarbazdary Joǵary Radanyń olardyń taratý týraly buıryǵyna qarsylyq kórsetip ereýilge shyqty. Bul jóninde Ýkraına Joǵary Radasynyń depýtaty Vıtalı Moskal habarlady. Aýyr áskerı quraldarmen, avtomattar, pýlemetter, granatalarmen qarýlanǵan olar Qyrym Úkimet Úıin, t.b. memlekettik ǵımarattardy basyp alǵan.
Ýkraınanyń Reseımen shekaralas aımaqtarynda Reseı qarýly kúshteri «áskerı jattyǵýlar» ótkizip, kórshilerine ses kórsetetin sıaqty. Jalpy, áli de Ýkraına aspanynan qaýip bulty seıilgen joq. Bul jóninde álem jurtshylyǵy qatty alańdaýda. Qazir bul teketirestiń aqyry ne bolatyny belgisiz...
Jumash KÓKBÓRİ
