Belgili túrik ánshisi Súmer Izgú qazaqtyń halyq áni «Qamajaıdy» erekshe yqylaspen oryndaǵany sonshalyq, onyń ónerine júzdegen otandasymyz tánti boldy, dep habarlaıdy «Ekspress-K» basylymy. Súmer Izgúdiń sahnadaǵy oryndaýy aldymen YouTube arqyly tanylyp, keıin «Qamajaı» Facebook jelisinde jarıalandy. Aranjırovkada óńdelgen ánniń tamasha shyqqany sonshalyq, kóptegen qazaqstandyqtar ózderiniń halyq ánderin qaıta tanyǵandaı boldy.
Súmer Izgú - aty álemge áıgili ánshi. Onyń konsertteri Germanıa, Italıa, AQSH, Belgıa jáne Shvesıa elderinde jıi ótip turady. «Óner ıesiniń Qazaqstandaǵy fanattary ártisti elge qonaqqa shaqyrýdy talap etip otyr», - dep atap ótti basylym.
QazAqparat
